Polisi aliyekutwa na hatia ya kumuua Mwangosi afungwa jela miaka 15

Askari wa jeshi la polisi kitengo cha FFU, Pacificius Cleophace Simon aliyekutwa na hatia ya kumuua bila kukusudia mwandishi wa Channel Ten mkoani Iringa, Daudi Mwangosi amehukumiwa kifungo cha miaka 15 jela

.

Hukumu hiyo imetolewa Jumatano hii na Jaji Paul Kihwelo wa Mahakama Kuu ya Tanzania Kanda ya Iringa. Mwangosi aliuawa September 2, 2012 kwenye kijiji cha Nyololo wilayani Mufindi.
Aliuawa wakati wa vurugu kati ya polisi na wafuasi wa Chadema wakati wa maandamano ya kufungua tawi la chama hicho kwenye kijiji hicho.