Waandishi Wa Habari Wa Tanzania Mumelala

Na Humphrey Moris

Waandishi wengi wa habari wanafeli kwa asilimia kubwa kuripoti na kuandika habari za jamii, zaidi katika kuonyesha maovu ili kuleta mabadiliko. Simaanishi kila muandishi anatakiwa kuripoti negative (Kukosoa tu) ,HAPANA. Lakini wananchi wanachoka na sifa zisizo na tija wakati matatizo ni mengi.

Waandishi wamenunuliwa na vyama na wakuu wa serikali. Kwa mfano, unakuta muandishi wa kituo Fulani cha habari,kila siku na kila muda yupo mgongoni mwa kiongozi (UTADHANI NI MWANDISHI WAKE). Waandishi wamekua maarufu katika kuripoti matamko ya viongozi au uzinduzi. Kwani taaluma yenu inawaambia hao ndio wenye habari pekeyao? Unakuta habari ya siku moja inakatwa vipande vipande ili kupata habari na matukio ya wiki nzima.

Mnasahau huku mtaani kuna matukio na visa vingi ambavyo vinaleta habari pia. Hii haita taarifu tu bali italeta mabadiliko pia kwa wananchi hao. Kuna umuhimu gani wa kwenda kwa mkuu wa mkoa kuuliza kama kuna lolote litakalokupa habari wakati kuna UVUNJWAJI WA HAKI ZA BINADAMU. MANYANYASO NA UONEVU KWA KINA MAMA. Huko kwa wakuu kuna nini zaidi linalowafanya mugande kwao tu?

Wananchi wanashangazwa na habari ambazo hawajui kama zimejiri kutoka mikoani mwao.Sijui zinatengenezwa? . Kwa maana kawaida wananchi ushuhudia tukio mchana na jioni hukaa kwa pamoja wakisubiri kuona kilichojiri mchana katika televisheni au kusikika kwenye redio, Na wakibahatika kuona ufurahi kwakua wanadhani jambo lao limesikika na litatatuliwa .SIKUHIZI HAKUNA HII. Habari zinazosikika siku hizi ni MKUU WA MKOA AFANYA MAZOEZI NA WAFANYAKAZI WA OFISI FULANI. MKURUGENZI APOKEA ZAWADI FULANI KUTOKA KWA KAMPUNI FULANI. MKUU AZINDUA CHOO. Ya wananchi tunayaacha yakibembea mitini.

Siku kadhaa zilizopita, nilibahatika kutembelea kata 10 zilizopo wilayani Mbinga, mkoani Ruvuma. Kwa kile kilichotupeleka katani humo na tuliweza kupata visa na malalamiko kutoka kwa wananchi. Hapa nilijiuliza kama kweli tuna waandishi wa habari?. Nilipata mambo mengi mapya na yenyekusisimua yanayowasibu wananchi.

1; Wananchi wanakero za kudhulumiwa na watu wanaojifanya wanatoka serikalini. Kwa mfano , kuwaamrisha waandae vikundi ili waweze kupata mkopo huku wakiwachangisha pesa na kukimbia nazo.

2; Rushwa imekithiri. Kuna matukio mengi yanayohusisha masuala ya rushwa kwa wananchi

a.       Ili wapate haki zao kama mahospitalini

b.      Kushawishiwa ili kuepuka adhabu kubwa hasa na maaskari

3; Malalamiko juu ya miundombinu mibovu kama barabara na ukosefu wa maji

4; Malalamiko ya wananchi kwa serikali yao. Kwa mfano upishaji wa ujenzi wa vitu vya serikali na barabara bila malipo. Wananchi wanalalamika

Kuna mambo mengi sana ambayo waandishi walipaswa wayaweke wazi. Lakini waandishi wanakesha maofisini na kuwa kama mikia migongoni mwa viongozi.

Wengi wao ukiwauliza wanajibu kwa mzaha kuwa WANANCHI WA KAWAIDA HAWATOI POSHO ila maofisini posho nje nje.( WAANDISHI MUNASIKITISHA MNO)

TATIZO NI NINI?

UMASIKINI AU NJAA? Labda viongozi wanawapa kitu kidogo ndio maana hamukauki huko maofisini.

AU NI WAOGA? Labda munaogopa kuripoti ya wananchi kwakua munahisi yatagusa vitu Fulani . lakini mkumbuke kazi ya uandishi inaendana na kiapo cha kujitoa kwa lolote ilimradi uweze kufichua uozo. Kama hautaweza kujitoa basi taaluma hii haikufai. 

ASILI YA VYOMBO VYA HABARI NA MAMENEJA? Labda mabosi wenu wameridhika na habari zenu nyepesi zilizojaa ukasuku na kuwasahau wananchi. AU MULIJISAHAU?

WAANDISHI MMELALA HAMUONEKANI

Habari zetu nzito zinaripotiwa na vyombo vya habari vya nje kwa mfano BBC. Tunatambua record mbali mbali za watu ,kama wazee wenye umri mkubwa baada ya vifo vyao na si kabla.Walau tungeonekana kuwa nasi tunaye mtu mwenye umri mkubwa zaidi ya wote DUNIANI. Siamini kama mtu mwenye mbio nchini kwetu wa mwisho kutokea ni Filbert Bahi tu waandishi tembeleeni vijijini na sehemu mbalimbali mupate kuona mengi na muifumbue dunia macho. Sisi wenyewe tumeduwaa  kama samaki kwenye vikaango. Tukinong’ona kama mjadala wa panya kumfunga paka kengele kati yetu nani atafanya.

WAANDISHI TEMBEENI ACHENI KUKAA KWENYE OFISI ZA VIONGOZI KUSUBIRI HABARI.

Tunawasikia tu mukilalamika taaluma yenu imeingiliwa na baadhi ya watu fulani mitandaoni. Watu wasio hata na robo ya ujuzi wa masuala ya habari, wamechukua nafasi na kuwahabarisha wananchi mambo nyeti yanayohusu jamii. Ila watu hawa kwa muda mwingine hukosa maadili ya uandishi na hii inapelekea waandishi wote waonekane ni sifuri.

TAALUMA INADHARAULIWA SASA

Kuonekana kwa waandishi ni sifuri, tunaona sasa wamiliki wa vyombo vya habari wameamua kuajiri watu maarufu (Celebs). Msanii wa muziki si ajabu ukamkuta kwenye tv au radio akitangaza WAANDISHI ZIRO WAMEPIGWA KNOCK OUT. MUSILALAMIKE NI NYINYI MUMETAKA KUONEKANA WA KAWAIDA KATIKA TASNIA HII. Ninyi si mumeamua kua waandishi wa vyombo vya maofisini.

EMAIL ; Morisehumphrey@yahoo.com

# 0625773039