PAKA OSCAR AKA unSINKABLE SAM, Aliyenusurika kifo mara tatu wakati wa vita vya Dunia

Hii sio AFRIKA NA UAFRIKA... leo nakusimulia kuhusu paka aliyenusurika kufa vitani mara tatu.

Paka ana roho ngapi???.... utaskia watoto wanajibu ANA ROHO SABA Labda theory hii ya kikatili ya kumsifu paka ana roho saba ilianza kwa paka OSCAR. Kwenda JKT tu kwa vijana sasa ni mbinde. Kuna njemba moja siitaji jina ilisema ni heri asiende chuo kikuu kuliko kwenda JKT kwa mujibu. Vijana hawana moyo kama ule wa enzi za vita vya kagera.

Labda paka huyu atawapa ujasiri ndugu zangu

Oscar AKA UNSINKABLE SAM… ni jina la utani la paka wa kwenye meli za kivita ,ambaye alishiriki wakati wa Vita vya Kidunia vya pili na kwa bahati aliwahi kuishi pande mbili za maadui. Mwanzo aliishi kwenye meli ya Kriegsmarine ambayo ilikua chini ya jeshi la ujerumani na baadae kwenye meli za jeshi la uingereza (Royal Navy) na alinusurika kuzama kwa meli zaidi ya mara tatu.

Jina la asili la paka huyu halikujulikana ila aliitwa jina la OSCAR na wafanyakazi wa meli ya uingereza ya HMS Cossack meli ambayo ilimuokoa kutoka baharini kufuatia kuzama kwa meli ya Ujerumani  Bismarck. Meli ambayo ilipewa jina la kiongozi wa wakati huo Otto Von Bismack

 "Oscar" ilitokana na ishara ya wanajeshi wakiwa vitani, pale mtu anavyotaka kuzama majini hutumia neno O wakimaanisha man overboard ili uweze pata msaada wa kuokolewa

Bismarck

Paka huyo mwenye rangi nyeusi na nyeupe alikua anamilikiwa na mtu ambaye hakujulikana katika meli ya Bismarck. Ilikuwa safarini mnamo Mei 18, 1941. Meli hiyo ilizamishwa baada ya vita kali ya baharini mnamo Mei 27, vita ambayo ilipigwa baina ya Bismarck na The Prince of Wales. Meli iliharibiwa vibaya na haikuweza kukarabatiwa.

Watu 115 tu ndio walinusurika kati ya watu 2,100. Masaa kadhaa baadaye, Oscar alikutwa akielea juu ya maji na meli ya HMS Cossack. Walimwokoa na hapo ndipo alipohama upande wa ujerumani na kuwa upande wa Uingereza na kupewa jina jipya la OSCAR

HMS Cossack

Paka huyo aliishi kwenye meli ya Cossack kwa miezi michache baadae wakati meli ilipokuwa ikifanya majukumu ya kusindikiza wanajeshi na vikosi vingine kwenye Bahari ya Mediterania na kaskazini mwa Bahari ya Atlantiki. Mnamo tarehe 24 Oktoba 1941, Siku moja Cossack ilikuwa akisafirisha msafara kutoka Gibraltar  na ndipo ilipo haribiwa vibaya na meli ya ujerumani U-563. Kikosi kikahamishwa kwenye HMS LEGION na kufanyika jaribio la kuirudisha meli iliyoshambuliwa huko Gibraltar. Lakini hali mbaya ya hewa iliwafanya waitelekeze meli hiyo. Siku moja baadae Cossack ilizama ikielekea magharibi mwa Gibraltar. 

Mlipuko wa awali ulikuwa umesababisha theluthi moja ya sehemu ya mbele ya meli hiyo kuvunjwa vunjwa vibaya  na shambulizi lilipelekea vifo vya watu 159, lakini paka Oscar alikutwa kwa mara ya pili akielea juu ya maji na kurudishwa salama huko Gibraltar. Maofisa wa jeshi la uingereza walimpa jina jipya la Unsinkable Sam kwa kutozama majini wakati wa vita kwa mara ya pili. Visanga havikuishia hapa, bado OSCA tunamkuta kwenye mapambano.

OSCAR akakaribishwa kwenye meli aina ya HMS Ark Royal meli ambayo ilikuwepo hata siku BISMARCK ilipozama. Na sasa imepewa jina jipya la “lucky ship” meli yenye bahati. Bahati haikufika mbali ikawa meli yenye gundu na balaa. Mnamo 14 Novemba 1941 meli hii pia iliangushwa

Walionusurika, pamoja na Sam, ambaye alikuwa amepatikana akielea kwenye mabaki ya vitu vilivyoharibiwa. Inasemekana alikua mwenye hasira sana wakati huo labda kwakua aipoteza marafiki, me sijui. Nisimwongelee paka wa watu. Labda alihitaji pensheni yake.

Alihamishiwa na safari hii alirudi kufanya kazi nchi kavu akiwa kama mwindaji wa panya katika ofisi za Gavraltar na kisha akarudishwa Uingereza. Picha ya zamani ya Sam (iliyopewa jina la Oscar, paka wa Bismarck) na msanii Georgina Shaw-Baker iko katika Jumba la Makumbusho ya Kitaifa ya huko Greenwich.

Baadhi ya viongozi wanahoji ikiwa wasifu wa Oskar / Sam unaweza kuwa "hadithi tu ya baharini.